पाकिस्तानका राष्ट्रपति र प्रधानमन्त्रीद्वारा कश्मीरीहरूलाई न्यायपूर्ण संघर्षमा निरन्तर समर्थनकोआश्वासन

उनीहरूले भनेका छन् कि भारतले व्यापक मानवअधिकार उल्लंघनका साथ कश्मीरीहरूको स्वतन्त्रताको इच्छा तोड्न दमन जारी राखेको छ । राष्ट्रपतिले आफ्नो सन्देशमा भनेका छन्, छ अगस्त २०१९ देखि, भारतले आफ्नो भूमिमा कश्मीरीहरूलाई अल्पसंख्यकमा परिणत गर्न अवैध रूपमा कब्जा गरेको जम्मू र कश्मीरको जनसांख्यिकीय संरचना परिवर्तन गर्ने दुष्ट अभ्यासमा संलग्न भएको छ । प्रधानमन्त्रीले आफ्नो सन्देशमा कश्मीरीहरूको आत्मनिर्णयको अधिकार दिवस मनाउनुको उद्देश्य विश्व समुदायलाई उत्पीडित कश्मीरी जनताप्रतिको आफ्नो जिम्मेवारी स्मरण गराउनु रहेको बताए । उनले संयुक्त राष्ट्र संघलाई आफ्नो प्रतिबद्धताको सम्मान गर्न र आत्मनिर्णयको लागि कश्मीरीहरूको संघर्षलाई समर्थन गर्न आग्रह गरे ।

राष्ट्रपति डा आरिफ अल्वी र प्रधानमन्त्री शहबाज शरीफले संयुक्त राष्ट्र सुरक्षा परिषद्को प्रासंगिक प्रस्तावहरू बमोजिम आत्मनिर्णयको अधिकारको लागि कश्मीरीहरूलाई उनीहरूको न्यायसंगत संघर्षमा पाकिस्तानको निरन्तर राजनीतिक, कूटनीतिक र नैतिक समर्थनको आश्वासन दिएका छन् । काश्मिरीहरूको आत्मनिर्णयको अधिकार दिवसको सन्दर्भमा छुट्टाछुट्टै सन्देशमा उनीहरूले विगत ७४ वर्षदेखि भारतको गैरकानूनी रूपमा कब्जा गरेको जम्मु–कश्मीरका उत्पीडित जनताले आफ्नो अधिकारको प्रयोग गर्न नसकेकोमा दुःख व्यक्त गरेका छन् ।