May 27, 2022

इ – डायरी एक्सप्रेस

ताजा र निष्पक्ष समाचारका लागि

नेपाल निजामति कर्मचारी युनियनको अध्यक्षमा पोखरेलको पुनः उम्मेदवारी


पोखरा । नेपाल निजामति कर्मचारी युनियनको आँठौ अधिवेशनमा वर्तमान अध्यक्ष गोपाल पोखरेलले पुनः अध्यक्ष पदमा उम्मेदवारी दिने भएका छन् । २०२४ सालमा खोटाङको खार्पामा जन्मेका पोखरेल आँठौ महाधिवेशनमा अध्यक्ष पदका आकांक्षीहरु युनियनको पूरा कार्यकाल नवित्दै अवकाश पाउने भएपछि अधिकांश मतदाताको दबाबमा उम्मेदवारी दिन लागेका हुन् ।
अध्यक्ष पोखरेलको नेतृत्वमा वरिष्ठ उपाध्यक्ष, उपाध्यक्षहरु र महासचिव र केहि पदाधिकारीको टिम समेत घोषणा भएको छ । पोखरेलको नेतृत्वमा वरिष्ठ उपाध्यक्षमा उत्तम कट्वाल, महासचिवमा दुर्गा फुँयाल, उपाध्यक्षमा यज्ञ वली उम्मेदवार बन्ने तय भएको छ ।
त्यसैगरी प्रदेश उपाध्यक्षहरुमा एक नम्बर प्रदेशबाट मान वहादुर बन, मधेश प्रदेशबाट राजकिशोर राउत, वागमती प्रदेशबाट दिपकराज मिश्र, गण्डकी प्रदेशबाट दिपक रेग्मी, लुम्बिनी प्रदेशबाट मदन गौतम, कर्णाली प्रदेशबाट चन्द्रबहादुर खड्का र सुदुरपश्चिम प्रदेशबाट चेतराज जोशी उम्मेदवारी दिने तय भएको छ ।
पोखरेल नेतृत्वको समूहमा सचिव पदमा जगत बहादुर पाठक, कुलप्रसाद भट्टराई, झविन्द्र पोखरेल, दिनेश पोखरेल, कृष्ण सेजुवाल, हरि क्षेत्री लगायतका आकांक्षी देखिएका छन् । पोखरेल समूहले सचिव पदको टुंगो लागेसंगै सिंगै समुहको उम्मेदवारी घोषणा गर्ने भएको छ । नेपाल निजामति कर्मचारी युुनियनको नयाँ नेतृत्व चयनका लागि यहि फागुनको २१ गतेदेखि २३ गतेसम्म महाधिवेशन हुँदैछ । कोरोना संक्रमणका कारण गत माघ ८–१० का लागि तय भएको महाधिवेशन स्थगित भएको थियो ।

Leave a Reply

Your email address will not be published. Required fields are marked *

Copyright © All rights reserved. | Newsphere by AF themes.